Isinagawa ang isang makabuluhang Islamic Symposium sa Datu Anggal Midtimbang Gymnasium sa pangunguna ng Social Welfare Committee (SWC) Chapters mula sa Talayan, Guindulungan, at Datu Anggal Midtimbang.

Ang aktibidad ay naglalayong palakasin ang pananampalataya, moralidad, at pagkakaisa ng mga kasapi ng SWC sa pamamagitan ng mga aral ng Islam. Tampok sa programa ang mga lektura at talakayan na nakatuon sa espiritwal na disiplina, kapayapaan, at responsableng pakikilahok sa komunidad.

Pinuri ng mga kalahok ang patuloy na suporta ng lokal na pamahalaan, partikular nina Mayor Datu Nathaneil S. Midtimbang at Vice Mayor Maryjoy Estephanie U. Midtimbang, na patuloy na nagsusulong ng mga programang nagpapalakas hindi lamang ng kabuhayan kundi pati ng pananampalataya at pagkatao ng mamamayan.

Ang Islamic Symposium ay patunay na ang pagpapaunlad ng komunidad ay mas nagiging matibay kapag sinasabayan ng gabay ng pananampalataya at kolektibong pagkilos.