Muling pinatunayan ng Lalawigan ng Maguindanao del Sur ang matatag nitong paninindigan laban sa ilegal na droga matapos kilalanin bilang Awardee sa 2026 Anti-Drug Abuse Council (ADAC) Performance Audit.

Ang pagkilalang ito ay bunga ng masinsinang pagpapatupad ng mga programa na nakatuon sa sustainability ng ADACs, inobasyon sa anti-drug strategies, epektibong reintegration programs, at tuloy-tuloy na after-care monitoring para sa mga indibidwal na sumailalim sa intervention.

Ayon sa pamahalaang panlalawigan, ang tagumpay na ito ay hindi lamang parangal kundi malinaw na patunay ng kolektibong pagkilos ng lokal na pamahalaan, law enforcement agencies, at komunidad sa pagpapanatili ng kapayapaan at kaayusan.

Sa pamamagitan ng koordinadong aksyon at komprehensibong programa, patuloy na itinataguyod ng Maguindanao del Sur ang isang lalawigang ligtas, malusog, at progresibo—isang modelong maituturing na huwaran sa laban kontra ilegal na droga.