Pormal na tinanggap ng MSSD ang limang mobile birth registration vehicles mula sa Government of Japan at UNHCR Philippines bilang bahagi ng Initiative for Promoting Digital Birth Registration. Gaganapin ang deployment ng units sa Regional Office, Lanao del Sur, Maguindanao del Norte, Maguindanao del Sur, at SGA upang suportahan ang Free Birth Registration Program.

Magagamit ng mga LGUs ang mobile units para sa outreach registrations upang maabot ang mga batang walang birth certificate—isang dokumentong mahalaga sa edukasyon, health services, at social protection.

Nagpasalamat si Minister Raissa Jajurie sa Japan at UNHCR, at tiniyak na palalakasin pa ng MSSD ang koordinasyon nito sa PSA para sa mobile at digital-enabled registrations. Dumalo sa turnover ang mga opisyal mula sa Japan Embassy, UNHCR, UNICEF, PSA, DOJ, SGA Admin, PLGU Maguindanao del Norte, CFSI, at CBCS.