Umabot sa 242 pamilyang naapektuhan ng pagbaha sa Barangay Tina, Shariff Aguak ang nakatanggap ng agarang relief assistance mula sa Ministry of Social Services and Development (MSSD) nitong Hulyo 1, 2026.

Sa ilalim ng Emergency Relief Assistance (ERA) Program, bawat pamilyang benepisyaryo ay pinagkalooban ng 25 kilong bigas, family food packs, at kape upang makatulong sa kanilang pangunahing pangangailangan habang unti-unting bumabangon mula sa epekto ng kalamidad.

Ang pamamahagi ng tulong ay bahagi ng patuloy na disaster response efforts ng MSSD para sa mga pamilyang direktang naapektuhan ng mga pagbaha at iba pang kalamidad sa Bangsamoro.

Sa pamamagitan ng agarang paghahatid ng pagkain at iba pang pangunahing pangangailangan, layunin ng programa na maibsan ang hirap na dinaranas ng mga apektadong pamilya habang nagsisimula silang makabangon at makabalik sa normal na pamumuhay.