Bilang matibay na hakbang sa pagpapalakas ng serbisyong pangkalusugan para sa mga Bangsamoro, nagpaabot ng Medical Financial Assistance ang opisina ni BTA Member of Parliament Atty. Suharto “Teng” M. Ambolodto, MNSA, katuwang ang Ministry of Health–BARMM, sa Davao Doctors Hospital (Clinica Hilario) Inc.
Ang tulong ay bahagi ng Bangsamoro Health Outreach Program for Everyone (BHOPE)—isang programang nakatuon sa paglapit ng abot-kayang serbisyo medikal sa bawat mamamayang Bangsamoro, lalo na sa mga nangangailangang pasyente sa labas ng rehiyon.
Personal na tinanggap nina DDH Chief Revenue Officer Leo Francis L. Silva at Treasury Head Maureen I. Resimilla ang tseke mula sa kinatawan ng MOH-BARMM na si Raihana Mamucao, kasama si Jusyfa Luminog bilang kinatawan ni MP Teng Ambolodto.
Layunin ng inisyatiba na palakasin ang access sa de-kalidad at abot-kayang pangangalagang pangkalusugan, patunay sa seryosong pagnanais ng pamahalaang Bangsamoro na suportahan ang kapakanan at kaligtasan ng kanilang mga mamamayan saan mang panig sila naroroon.
Para sa mga Karagdagang detalye: