Nagpahayag ang Bangsamoro Transition Authority (BTA) Parliament upang ipaliwanag ang estado ng districting law, isang pangunahing requirement bago ang regular na parliamentary elections sa Bangsamoro Autonomous Region in Muslim Mindanao (BARMM).

Ayon sa Parliament, bagama’t nagpapatuloy ang paghahanda ng COMELEC para sa eleksiyon, nananatiling nasa kapangyarihan ng Kongreso ang pagtatalaga ng petsa ng halalan, batay sa ruling ng Supreme Court sa Ali et al. vs. BTA Parliament.

May anim (6) na bersyon ng districting bill na nasa proseso ng komite para sa pagtatasa at konsolidasyon. Sinimulan na ang public consultations noong Nobyembre 6 sa Tawi-Tawi at ipagpapatuloy ito sa mga sumusunod na lugar:

• December 4 – SGA, Maguindanao del Sur, Basilan
• December 7 – Maguindanao del Norte, Lanao del Sur, Cotabato City

Layunin ng Parliament na maipasa ang districting law bago matapos ang 2025, alinsunod sa probisyon ng Bangsamoro Organic Law.

Kaugnay nito, nagpapatuloy din ang deliberasyon ng proposed 2026 BARMM Budget Bill upang mapanatili ang maayos at tuloy-tuloy na paghahatid ng serbisyo publiko.

Hinimok ng Parliament ang mga mamamayan na lumahok sa public consultations upang masiguro ang transparent at representative na distrito para sa Bangsamoro.