Pumanaw ngayong araw si Sheikh Bashir bin Ahmed Siddiq, isa sa mga pinakakilalang guro ng Banal na Qur’an at qira’at (recitations) sa Al-Masjid An-Nabawi.

Mahigit anim na dekada niyang inialay ang kanyang buhay sa paglilingkod at pagtuturo ng Qur’an sa Masjid An-Nabawi, kung saan libu-libong estudyante mula sa iba’t ibang panig ng mundo ang dumaan sa kanyang pangangalaga.

Kabilang sa kanyang mga natatanging naging estudyante ay sina:

Sheikh Muhammad Ayyoub at Sheikh Ali Jaber – mga dating Imam ng Dalawang Banal na Masjid (rahimahumullah)

Sheikh Muhammad Al-Mukhtar Al-Shanqiti – kasapi ng Council of Senior Scholars

Sheikh Abdul Muhsin Al-Qasim at Sheikh Salah Al-Budair – kasalukuyang mga Imam ng Al-Masjid An-Nabawi

Itinuturing si Sheikh Bashir bilang haligi ng Qur’anic education sa Masjid An-Nabawi. Ang kanyang mga tinuruan ay patuloy ngayong naglilingkod at nagpapalaganap ng Qur’an sa buong Muslim world.

“Nawa’y kahabagan siya ni Allah, tanggapin ang kanyang dekadang paglilingkod sa Qur’an, at itaas ang kanyang antas sa piling ng mga matutuwid,” panalangin ng mga nagdadalamhati.