Isang makulay na umaga ang bumalot sa Notre Dame Village Central Elementary School Covered Court habang sabay-sabay na nanumpa ang mahigit dalawang daang bagong guro at kawani ng MBHTE.

Sa bawat lagda at panunumpa, dama ang sigla ng mga bagong miyembro ng MBHTE family — handang maglingkod, magturo, at magsilbing inspirasyon sa kabataang Bangsamoro.

Sa inspiradong mensahe ni Minister Mohagher Iqbal, kanyang paalala:

“Ang pagiging guro ay hindi natatapos sa pagkatanggap ng item — ito ay simula ng walang katapusang pagkatuto at paglilingkod.”

Ang seremonyang ito ay hindi lamang pagpapatibay ng posisyon, kundi pagpapatibay ng pananampalataya, dedikasyon, at misyon ng bawat guro: ang siguraduhin na walang batang Bangsamoro ang maiiwan sa pag-abot ng pangarap.