Nakikiisa ang Pamahalaang Panlalawigan ng Maguindanao del Sur, sa pamumuno ni Hon. Governor Datu Ali Midtimbang, Alhajj, sa mamamayan ng Barangay Kauran sa pagdiriwang ng kanilang 66th Founding Anniversary — isang makasaysayang paggunita na sumasagisag sa pagkakaisa, katatagan, at patuloy na pag-unlad ng komunidad.

Kasabay ng okasyon, dinala ng Provincial Government ang programang “Serbisyong Handog sa Kabataan”, kung saan ipinamahagi ang mga school bags, school supplies, at armchairs para sa mga mag-aaral ng barangay.

Layunin ng inisyatibang ito na palakasin ang suporta ng pamahalaang panlalawigan sa edukasyon bilang susi sa mas maliwanag na kinabukasan ng mga kabataang Maguindanaon.

Sa temang “Kinaugalinon kag Tradisyon sang Katawhan, Mangindalan sa Paghupong kag Progreso sang Kauran,” ipinakita ng selebrasyon ang malalim na pagmamalaki ng mga residente sa kanilang kultura, tradisyon, at sama-samang pag-unlad tungo sa mas maunlad na kinabukasan.

Binigyang-diin ng pamahalaan na ang ganitong mga pagdiriwang ay paalala ng serbisyong may puso, kung saan ang pagkakaisa at malasakit sa kapwa ang tunay na nagdadala ng pagbabago at pag-asenso sa bawat komunidad ng Maguindanao del Sur.