Mainit na tinanggap ng Office of Hon. Governor Datu Ali Midtimbang ang mga opisyal ng National Tobacco Administration (NTA) sa isang courtesy visit ngayong araw. Pinangunahan ang delegasyon ni NTA Deputy Administrator for Operations Nestor C. Casela, kasama sina NTA FTSD Manager Johnny Maloom, Engr. Kenneth Russell Tanaval, Provincial Agriculturist Engr. Jedahni Ulangkaya, at Engr. Ayana June Khalim.

Sa pulong, tinalakay ng Pamahalaang Panlalawigan at ng NTA ang mga nalalapit na programa at inisyatibong pang-agrikultura na layong lalo pang paunlarin ang kabuhayan ng mga komunidad sa Maguindanao del Sur. Nakatuon ang diskusyon sa pagpapalakas ng lokal na produksiyon, pagsuporta sa mga magsasaka, at pagtiyak na ang mga programang ipapasok sa lalawigan ay tunay na magdadala ng pangmatagalang kaunlaran at seguridad sa pagkain.

Nanindigan ang Provincial Government na mananatili itong bukas sa mga partnership at kolaborasyong makapagdudulot ng makabuluhang pagbabago para sa mga mamamayan. Ang pagbisitang ito mula sa NTA ay isa na namang hakbang tungo sa mas pinatibay na sektor ng agrikultura at mas matagumpay na pag-unlad sa lalawigan.