Muling inilunsad ni Mayor Abdulmain “Baba” Abas ang Project BABA sa Barangay Linek, Datu Odin Sinsuat noong December 2, 2025. Layunin nitong ilapit ang pangunahing serbisyo ng LGU sa mga residente.

Ilan sa mga serbisyong ibinigay ay medical check-up, libreng gamot, libreng ID, birth certificate registration, business consultation, food packs, school supplies, at feeding program para sa mga bata. Nagbigay din ng binhi ng gulay, livelihood assistance, at sanitary kits.

Katuwang ng programa ang DOS District Hospital, MBLT-5, PN(M), RHU, MAFAR, at MSSD. Kasama rin si Vice Mayor Bobsteel Sinsuat at ang Sangguniang Bayan.

Tinanggap ito ng komunidad sa pangunguna ni Barangay Captain Datu Rasheen Sinsuat.

Patuloy na dadalhin ng Project BABA ang serbisyo sa iba pang barangay sa mga susunod na araw.