Naging katuwang ng Ministry of Health ang Bangsamoro Darul-Ifta’ sa isinagawang HIV Prevention and Awareness Campaign sa Marantao, Lanao del Sur noong November 20, 2025. Nagbigay si Sheikh Mohammad T. Pangca ng lecture sa Sexual and Reproductive Health batay sa Islamic principles, bilang bahagi ng faith-based modules na tumutulong linawin ang moral at health perspectives ng komunidad.

Layunin ng aktibidad na palawakin ang HIV awareness, alisin ang stigma, at maghatid ng tamang impormasyon. Ipinapakita ng partisipasyon ng Darul-Ifta’ na mas lumalakas ang public health programs kapag pinagsama ang gabay espiritwal at siyentipikong kaalaman.