Inilunsad ng MOH-BARMM, kasama ang Government of Japan at UNDP, ang 40kWp hybrid solar PV system sa Tamparan Provincial Hospital noong December 4. Ang proyekto ay bahagi ng RE3ACHS Project na naglalayong magbigay ng mas maaasahan at environment-friendly na power supply sa mga ospital sa Bangsamoro.

Dumalo sa ground-mounting si UNDP Resident Representative Knut Ostby. Ayon sa UNDP, ang uninterrupted power ay “lifeline” para sa mga pasyente at pamilyang nangangailangan ng critical health services.

Nagpahayag ng pasasalamat si Health Minister Dr. Kadil M. Sinolinding, Jr., at binigyang-diin na ang malakas na partnership sa Japan at UNDP ay patunay ng commitment sa sustainable and efficient healthcare systems.

May karagdagang solar installations din sa Marawi City, Wao District, at Malabang hospitals. Ayon sa UNDP, ang proyekto ay bunga ng pagtutulungan ng PLGU Lanao del Sur, MOH, MENRE, DOE, at LGUs.