Isinagawa ng Pamahalaang Panlalawigan ng Maguindanao del Sur, kasama ang LGU Datu Hoffer, ang taunang Water Quality Monitoring Test sa Kabulnan River noong December 9, 2025. Layunin nitong masigurong malinis at ligtas ang tubig ng ilog na mahalaga sa kabuhayan at pang-araw-araw na pamumuhay ng mga residente.

Kasabay nito, nagsagawa rin ng clean-up drive at tree planting upang palakasin ang pangangalaga sa kapaligiran. Nakibahagi ang AFP, BFP, at mga barangay officials, na nagpakita ng matibay na pagkakaisa para sa kalikasan.

Kinilala ng DENR at DILG ang mahalagang papel ng mga LGU sa pamamahala ng likas na yaman. Ang Kabulnan River activity ay malinaw na halimbawa ng matagumpay na pagtutulungan para sa proteksyon ng kapaligiran.