Pinangunahan ni Health Minister Dr. Kadil M. Sinolinding, Jr., kasama si Deputy Minister Dr. Zul Qarneyn M. Abas, ang isang coordination at planning meeting kasama ang mga Division Head, Cluster Head, at Program Manager ng Ministry of Health BARMM.

Layunin ng pulong na itakda ang malinaw na direksiyon at mga prayoridad ng MOH para sa taong 2026, kabilang ang pagpapalakas ng program implementation, mas episyenteng pamamahala, at mas pinaigting na koordinasyon sa loob ng ministeryo.

Binigyang-diin ng pamunuan na ang mga programang pangkalusugan ay dapat nakatuon sa konkretong resulta at tunay na epekto sa kalusugan ng mamamayan ng Bangsamoro, lalo na sa mga liblib at bulnerableng komunidad.