Magkakaroon ng Special Session ang Bangsamoro Parliament sa Enero 12, 2026, alas-1:00 ng hapon, sa Shariff Kabunsuan Cultural Complex sa Cotabato City.

Ipinatawag ang sesyon sa kahilingan ni Chief Minister Abdulraof A. Macacua upang ipagpatuloy ang deliberasyon sa panukalang batas sa redistricting ng parliamentary districts sa BARMM.

Ang special session ay alinsunod sa umiiral na parliamentary rules at layong tugunan ang isang agarang usaping may malaking epekto sa interes ng publiko.