Opisyal nang sinimulan ng MHSD at COA-BARMM ang FY 2025 Audit Engagement sa pamamagitan ng Entrance Conference na ginanap noong Enero 7, 2026 sa Cotabato City. Layunin ng aktibidad na pagtibayin ang transparency, accountability, at moral governance sa pagpapatupad ng mga programa sa pabahay ng Bangsamoro.

Tinalakay sa kumperensya ang saklaw ng audit, mga inaasahang ulat, at mga tungkulin ng bawat panig. Ipinahayag ng pamunuan ng MHSD ang buong suporta sa audit process, habang iginiit ng COA-BARMM ang kahalagahan ng bukas na komunikasyon at pagsunod sa pamantayan.

Ang aktibidad ay nagtapos sa pormal na pagsisimula ng audit para sa FY 2025 at paggawad ng pagkilala sa COA-BARMM bilang katuwang sa pagtataguyod ng tapat at responsable na pamamahala.