Nagbigay ang Ministry of Social Services and Development (MSSD) ng Emergency Shelter Assistance sa walong indigent families sa Amai Manabilang noong Enero 14, 2026. Bawat pamilya ay tumanggap ng ₱15,000 para sa pagkukumpuni ng kanilang mga tahanan na lubhang nasira.

Samantala, minonitor din ng MSSD–Masiu ang tatlong kabahayan na muling itinatayo matapos masunog, kung saan bawat pamilya ay nakatanggap ng ₱40,000 para sa rekonstruksyon. Layunin ng ESA Program ng MSSD–DRMD na magbigay ng agarang tulong-pabahay sa mga pamilyang apektado ng sakuna at nasa hindi ligtas na kalagayan.