Isinagawa ng Office of the Provincial Agriculturist of Maguindanao del Sur (OPAG) ang isang isang-araw na pagsasanay na pinamagatang “Youth & Women in Agri-Innovation: Food Demo + Mushroom Skills,” na naglalayong palakasin ang kakayahan ng kababaihan, kabataan, at mga lokal na magsasaka sa larangan ng mushroom production at mushroom-based food processing bilang alternatibo at sustenableng kabuhayan sa lalawigan.

Dinaluhan ang aktibidad ng mga kalahok mula sa iba’t ibang sektor—kabilang ang mga women’s organizations, youth groups, at farmers—na nagpapakita ng inklusibong adbokasiya ng OPAG na kilalanin ang kabataan at kababaihan bilang pangunahing tagapagtaguyod ng agri-innovation at rural development. Sa pamamagitan ng praktikal at hands-on na pagsasanay, muling pinagtibay ng OPAG ang paninindigan nito sa capacity building at value-adding agricultural enterprises.

Hinati ang programa sa dalawang pangunahing bahagi: mushroom production at mushroom food processing. Sa unang bahagi, ipinaliwanag ni technical personnel Mr. Abra Kaslon ang mga batayang kaalaman sa mushroom cultivation—mula sa pagpili ng substrates, sterilization, inoculation ng mushroom spawn, wastong pagdidilig upang mapanatili ang moisture, hanggang sa tamang environmental conditions para sa optimal growth. Ipinakilala rin ang iba’t ibang uri ng kabute na angkop sa lokal na produksyon.

Sa ikalawang bahagi, isinagawa ang live food processing demonstration kung saan natutunan ng mga kalahok ang paggawa ng mga produktong may dagdag-halaga tulad ng mushroom chicharon. Tinalakay rin ang wastong food handling, sanitation, packaging, at simpleng costing upang maunawaan ang potensyal ng mushroom-based products bilang agri-entrepreneurial venture. Hinikayat ng bahaging ito ang pagkamalikhain at inobasyon sa pagpoproseso ng produktong agrikultural tungo sa mas mataas na kita.

Sa kabuuan, ang pagsasanay ay nagsilbing konkretong hakbang ng OPAG sa pagsusulong ng sustenableng agrikultura, food security, at inclusive economic empowerment sa Maguindanao del Sur.