Nagpaalala ang organizers ng Barakah Nu Ramadan sa Maguindanao del Sur na mahigpit na ipatutupad ang seguridad at kaligtasan ng lahat ng kalahok at dadalo sa pagdiriwang.

Bilang bahagi ng seguridad, registered drones lamang ang papayagang mag-operate sa venue. Ang sinumang may planong gumamit ng drone para sa coverage ay kinakailangang makipag-ugnayan nang maaga sa Provincial Disaster Risk Reduction and Management Office (PDRRMO).

Para sa registration at koordinasyon, maaaring makipag-ugnayan kay Joselito Cruz sa numerong 0935-680-2311.

Babala ng organizers, ang hindi rehistradong drone ay maaaring hindi payagang makapasok o makapag-operate sa event area.

Layunin ng patakarang ito na matiyak ang maayos, ligtas, at masayang pagdiriwang ng Ramadan para sa lahat.