Naging makabuluhan at puno ng biyaya ang isang Ramadhan gathering na inilaan para sa mga Yateem, kung saan pinagsaluhan ang mga biyaya at panalangin bilang paalala na ang diwa ng Ramadhan ay para sa lahat.

Mas pinatingkad ang programa sa pagbabahagi ng kaalaman ni Dr. Rizaldy Lee Piang, na nagbigay-linaw hinggil sa mga benepisyo ng pag-aayuno sa kalusugan. Ang kanyang mensahe ay nagbigay-inspirasyon sa mga dumalo, lalo na sa kahalagahan ng disiplina, balanseng pamumuhay, at pangangalaga sa katawan sa panahon ng pag-aayuno.

Naging tampok din ng gabi ang pagbibigay ng mga biyaya, kabilang ang pinag-aabangang FREE UMRAH package, pati na rin ang grocery at appliance packages na ikinatuwa ng mga nagwagi.

Ang nasabing aktibidad ay naisakatuparan sa suporta ni Honorable Governor Datu Ali M. Midtimbang at sa sama-samang pagtutulungan ng Provincial Budget Office, Provincial Treasurer’s Office, Provincial Accountant’s Office, Provincial Assessor’s Office, Internal Audit Services Office, at Office of the Provincial Planning and Development Coordinator.

Sa bawat ngiti ng mga Yateem at bawat panalangin na ibinahagi, muling pinatunayan na ang Ramadhan ay panahon ng pagkakaisa, malasakit, at pagbibigay — isang komunidad na nagtitipon hindi lamang para magdiwang, kundi para maglingkod at magbahagi ng pag-asa.