Isang makabuluhan at puno ng espiritwal na pagninilay ang naganap na Islamic symposium bilang bahagi ng mga aktibidad ng Barakah nu Ramadhan sa lalawigan.

Tampok sa programa ang pagbabahagi ng kaalaman mula sa mga kilalang tagapagsalita. Si Ustadz Ibrahim Samputi ay magbibigay ng talakayan tungkol sa “Character and Daily Life of Prophet Muhammad (SAW),” habang ibabahagi naman ni Ustadz Marzoq Pigkaulan ang mga aral tungkol sa mga biyaya at kabutihan ng buwan ng Ramadhan upang higit na mapalalim ang pananampalataya ng mga dumalo.

Hindi rin mawawala ang kasiyahan sa raffle segment kung saan may pagkakataon ang mga kalahok na manalo ng Free Umrah Package, groceries, home appliances, at iba pang papremyo.

Ang nasabing aktibidad ay naisakatuparan sa suporta ni Datu Ali M. Midtimbang at inorganisa ng ilang tanggapan ng Pamahalaang Panlalawigan kabilang ang Office of the Provincial General Services, Provincial Human Resources Management Office, Office of the Provincial Veterinarian, Office of the Provincial Agriculturist, at Provincial Disaster Risk Reduction and Management Office (PDRRMO).