Isang makabuluhang pagpupulong ang isinagawa mula sa tanggapan ni BTA member at Deputy Floor Leader MP Atty. Suharto ‘Teng’ M. Ambolodto MNSA sa ginanap na courtesy visit ng mga kinatawan nito sa  tanggapan ni South Upi Mayor Helen Benito-Padua.

Layunin ng pagbisita na ito na tuklasin ang mga posibleng mga hakbangin tungo sa pakikipagtulungan at suporta sa mga lokal na pag-unlad.

Ibinahagi ng Alkalde ang mga prayoridad sa pagpapaunlad ng kanyang administrasyon, kabilang ang isang plano na isulong ang  Teduray weaving textiles bilang isang oportunidad sa kabuhayan at isang paraan ng pagpapanatili ng kultura na pamana ng komunidad ng teduray.

dagdag pa nito, patuloy ang paghahanda para sa weaving project, kung saan isinasagawa ang mga paunang talakayan sa mga partners nito.

Tinalakay din sa pulong ang posibleng pagsasagawa ng Mobile Blood Donation Program sa munisipyo bilang bahagi ng pagsisikap na palakasin ang mga hakabangin sa kalusugan ng komunidad.