Nakikiisa ang Pamahalaang Panlalawigan ng Maguindanao del Sur sa pagdiriwang ng Eid’l Fitr, bilang paggunita sa pagtatapos ng banal na buwan ng Ramadhan.

Sa pangunguna ni Governor Datu Ali Midtimbang, nagpaabot ang pamahalaan ng taos-pusong pagbati sa lahat ng mamamayang Bangsamoro, kasabay ng panawagan para sa patuloy na pagkakaisa at pagtutulungan.

Ayon sa mensahe, nawa’y magdala ang pagdiriwang ng Eid ng kapayapaan, pagkakaisa, at masaganang biyaya sa bawat pamilya, habang sama-samang isinusulong ang isang maunlad at mapayapang komunidad.