Matagumpay na isinagawa ang Training Induction Program sa ilalim ng Bangsamoro Scholarship Program for TVET sa Notre Dame RVM College of Cotabato noong Abril 27, 2026, na dinaluhan ng kabuuang 1,143 benepisyaryo mula sa iba’t ibang bahagi ng Bangsamoro.

Layunin ng aktibidad na bigyan ang mga kalahok ng malinaw at komprehensibong oryentasyon hinggil sa estruktura ng programa, mga alituntunin, at mga inaasahang responsibilidad habang sila ay sumasailalim sa kanilang napiling kurso. Binigyang-diin din ang kahalagahan ng pagpapalawak ng kasanayan bilang susi sa mas mataas na oportunidad sa trabaho at personal na pag-unlad.

Ang mga scholars ay sasailalim sa iba’t ibang Technical-Vocational Education and Training (TVET) programs, kabilang ang bookkeeping, cookery, carpentry, electrical installation, computer servicing, at iba pang kursong nakatuon sa praktikal na kasanayan na tumutugon sa pangangailangan ng industriya.

Ayon sa mga tagapagpatupad, ang programang ito ay bahagi ng mas malawak na layunin na palakasin ang human capital development sa Bangsamoro, sa pamamagitan ng pagbibigay ng accessible at dekalidad na technical education.

Nagpahayag din ng pasasalamat ang mga organizer sa mga partner institutions at stakeholders na patuloy na sumusuporta sa implementasyon ng programa, na inaasahang magbubukas ng mas maraming oportunidad para sa mga Bangsamoro learners.