Isinagawa ang Provincial School Board Meeting noong Abril 21, 2026 sa conference room ng Provincial Treasurer’s Office, na pinangunahan ni Provincial Administrator – MDS Datu Nur-Ali U. Midtimbang bilang kinatawan ni MDS Governor Datu Ali “Datu sa Talayan” Midtimbang.

Ginanap ang pulong sa hybrid setup—pinagsamang face-to-face at online (Zoom) na partisipasyon ng mga miyembro. Nagsimula ito sa roll call na pinangunahan ni Roxas G. Adza, kasunod ang opening statement ng Provincial Administrator.

Inilahad din ang minutes ng nakaraang pulong upang balikan ang mga napagkasunduan, bago tumungo ang board sa talakayan ng mahahalagang usapin kaugnay ng pagpapaunlad ng sektor ng edukasyon sa lalawigan.

Kabilang sa mga pangunahing agenda ang presentasyon ng “Project Kapangagi” ni Bai Azmyelah M. Latip, na naglalayong palakasin ang mga programang pang-edukasyon. Nagbigay rin ng updates si Alma M. Abdula-Nor hinggil sa mga school-less barangays at sa isinasagawang Summer Reading Camp.

Tinalakay rin ng board ang paghahanda para sa Palarong Pambansa 2026, kasama ang iba pang inisyatiba upang mapabuti ang kalidad ng edukasyon sa lalawigan.

Nagtapos ang pulong sa mga anunsyo mula sa Provincial Administrator, na nagbigay-diin sa patuloy na koordinasyon at pagtutulungan ng mga stakeholder para sa kapakanan ng mga mag-aaral sa Maguindanao del Sur.