Pormal nang pinahintulutan ng Commission on Elections En Banc ang United Bangsamoro Justice Party – Youth Sectoral Wing na lumahok sa Parliamentary Sectoral Representation System para sa 2026 elections sa Bangsamoro Autonomous Region in Muslim Mindanao.

Sa pangunguna ni Sulffy Abbas bilang unang nominee, inaasahang mapapalakas ang boses ng kabataang Bangsamoro sa policymaking, peacebuilding, at aktibong partisipasyon sa demokratikong proseso.

Ayon sa COMELEC, natugunan ng UBJP-YSW ang lahat ng kinakailangang dokumento at legal na rekisito, kabilang ang kanilang manifestation of intent, kaya’t opisyal itong binigyan ng pahintulot na makilahok sa nalalapit na parliamentary elections.

Itinuturing ang paglahok ng youth sector bilang mahalagang hakbang sa pagpapalawak ng representasyon at pagbibigay ng mas inklusibong espasyo para sa kabataan sa pamamahala ng rehiyon.