Mahigit 200 benepisyaryo mula sa Barangay Kulayan, South Upi ang nakatanggap ng food assistance mula sa Office of the Vice President–BARMM Satellite Office (OVP-BARMM SO) sa isinagawang Relief of Individuals and Indigents in Crises and Emergencies (R.I.I.C.E.) Distribution noong Agosto 5, 2026.

Kabilang sa mga benepisyaryo ang mga magsasaka at miyembro ng Indigenous Peoples (IP) community, na pinagkalooban ng R.I.I.C.E. food bags bilang suporta sa kanilang pang-araw-araw na pangangailangan.

Bahagi ang pamamahagi ng pagsisikap ng OVP-BARMM SO na maabot ang mga komunidad, kabilang ang mga nasa malalayong lugar, at makapaghatid ng agarang tulong sa mga sektor na umaasa sa agrikultura bilang pangunahing kabuhayan.