Dahil hindi makapalaot ang mga mangingisda, nagbigay ang MSSD ng 25 kilo bigas, canned goods, at instant coffee para sa bawat benepisyaryo. Naghatid din ang Rural Health Unit ng libreng check-up at gamot, habang namigay ang MBLT-12 ng lugaw at laruan sa mga bata.

Ayon sa MSSD, magpapatuloy ang pamahalaan sa paghahatid ng tulong sa ilalim ng Emergency Relief Assistance Program upang matulungan ang mga pamilyang apektado ng kalamidad.