Maguindanao del Sur — Nagtapos ngayong araw ang 18-Day Campaign to End Violence Against Women, na pinangunahan ng Provincial Government kasama ang Provincial Gender and Development Office.

Sa loob ng 18 araw, pinalakas ng lalawigan ang panawagan para sa ligtas at makatarungang pamumuhay ng kababaihan. Muling ipinaalala sa publiko na ang bawat babae ay may karapatang igalang, pakinggan, at protektahan.

Nanindigan ang pamahalaang panlalawigan na ipagpapatuloy nito ang laban para sa VAW-free Maguindanao del Sur. Naniniwala itong kapag ligtas ang kababaihan, mas ligtas ang buong komunidad.