Isang lalaki ang sugatan matapos pagbabarilin sa Purok Emba, Rosary Heights 7, Cotabato City, noong 1:00 AM ng Disyembre 18, 2025. Kinilala ang biktima na si Fahad Sabpa Lumawan, 25. Ayon sa pulisya, bigla siyang tinambangan ng suspek na si Tokan Diocolano, 24, na agad tumakas matapos ang insidente.

Dinala ang biktima sa CRMC at kasalukuyang nagpapagaling. Nakarekober ang SOCO ng 14 basyo ng bala mula sa .40 caliber pistol. Patuloy ang follow-up investigation upang maaresto ang suspek.