Nanawagan si Former speaker Rep. Martin Romualdez sa Office of the Ombudsman na pairalin ang buong proseso ng batas at sundan ang ebidensya nang walang kinikilingan sa anumang imbestigasyon.

Sa kanyang pahayag, iginiit ni Romualdez na ang paghahanap ng hustisya ay dapat nakaangkla sa mga sinumpaang salaysay, opisyal na rekord, at konkretong ebidensya—hindi sa kung ano ang politikal na maginhawa o madaling tanggapin ng publiko.

Binigyang-diin din niya na hindi dapat malito ang presyur ng publiko sa tungkulin ng prosekusyon, at ang anumang hakbang ay kailangang naaayon sa due process at rule of law.

Aniya, ang naturang usapin ay seryoso at nararapat lamang na tratuhin nang may sapat na pag-iingat, integridad, at propesyonalismo—hindi sa pamamagitan ng pagmamadali, palabas, o pagdaan sa mga shortcut.