Mainit na tinanggap ni Maguindanao del Sur Governor Datu Ali M. Midtimbang Sr., kasama si Provincial Chief of Staff Datu Jomar Midtimbang, si MPW-BARMM 2nd District Engineer Esmail D. Ganduan at ang kanyang delegasyon sa isang courtesy call na ginanap sa tanggapan ng gobernador nitong Hunyo 17, 2026.

Sa pagpupulong, tinalakay ang kasalukuyang kalagayan ng mga imprastraktura at mga plano para sa mga bagong proyekto sa lalawigan, kabilang ang mga farm-to-market roads na inaasahang magpapabilis ng transportasyon at magpapalawak ng access ng mga komunidad sa mga sentro ng kalakalan.

Binigyang-diin din ang kahalagahan ng maayos na turnover at maintenance ng mga natapos nang proyekto upang matiyak ang kalidad, kaligtasan, at pangmatagalang pakinabang nito sa publiko.

Kasabay nito, hinimok ni Governor Midtimbang ang agarang paghahanap ng mga solusyon para sa mga hindi pa natatapos na proyekto upang mapabilis ang kanilang implementasyon at maiwasan ang pagkaantala sa paghahatid ng serbisyo sa mga mamamayan.

Ayon sa mga opisyal, ang mas matibay na koordinasyon sa pagitan ng Pamahalaang Panlalawigan at ng Ministry of Public Works ay mahalaga upang maisakatuparan ang mga programang pang-imprastraktura na magbibigay ng mas maayos, ligtas, at sementadong mga kalsada para sa mga residente ng Maguindanao del Sur.