Patuloy ang paghahatid ng agarang tulong ng Pamahalaang Panlalawigan ng Maguindanao del Sur sa mga pamilyang naapektuhan ng pagbaha, sa pamamagitan ng GIVE HEART Program, na umabot naman sa Barangay Dasikil.

Sa ilalim ng pamumuno ni Governor Datu Ali M. Midtimbang Sr., personal na naipaabot ang mga relief packs upang makatulong sa mga residenteng lubhang naapektuhan ng kalamidad.

Ayon sa Pamahalaang Panlalawigan, ang bawat relief pack ay sumisimbolo sa malasakit at patuloy na pangakong walang pamilyang mapag-iiwanan sa panahon ng pagsubok.

Patuloy ang relief operations at monitoring upang matiyak na maaabot ng tulong ang lahat ng mga residenteng nangangailangan habang nagpapatuloy ang pagbangon ng mga komunidad

.