Sa layuning mapabilis ang pag-unlad at mapatatag ang kapayapaan sa rehiyon, isumite ni Bangsamoro Interim Chief Minister Abdulraof Macacua sa Bangsamoro Parliament ang panukalang ₱114.07-bilyong pondo para sa Fiscal Year 2026, ang pinakamalaki sa kasaysayan ng Bangsamoro Autonomous Region in Muslim Mindanao (BARMM).

Ayon sa Bangsamoro Expenditure Program (BEP) 2026, pangunahing bibigyang prayoridad ang Edukasyon, Kalusugan, at Imprastraktura:

• ₱32.65 bilyon para sa Ministry of Basic, Higher, and Technical Education (MBHTE)
• ₱8.61 bilyon para sa Ministry of Health (MOH)
• ₱5.77 bilyon para sa Ministry of Public Works (MPW)

Pumapangatlo naman sa pinakamalalaking alokasyon ang Bangsamoro Parliament na may ₱7.10 bilyon, na sumasaklaw sa mga programang pampatakaran, serbisyong panlipunan, at operasyon ng lehislatura.

Sa kanyang talumpati, binigyang-diin ni Chief Minister Macacua na ang panukalang budget ay hindi lamang listahan ng gastusin, kundi isang plano para sa matatag na kinabukasan ng Bangsamoro.

“This spending plan will help turn the Bangsamoro Government’s plans into lasting progress that secures a peaceful and prosperous future for the Bangsamoro,” ayon kay Chief Minister Macacua.

Habang tinatalakay ang panukalang budget, patuloy ding dinidinig ng Parliament ang iba pang mahahalagang panukala tulad ng Bangsamoro Labor and Employment Code at tatlong districting bills, na kasalukuyang pinag-aaralan ng Committees on Rules and Local Governance.

Nakatakdang magtapos ngayong araw ang ikatlong regular session, at magbubukas ang ika-apat na regular session sa Nobyembre 10, kung saan ipagpapatuloy ang deliberasyon ng mga panukalang batas para sa kapakanan ng mamamayang Bangsamoro.