Isang makasaysayang araw para sa Barangay Rosary Heights III, Cotabato City! Noong Nobyembre 11, 2025, pormal nang itinurnover ng Office of MP Haron M. Abas, sa pamamagitan ng Ministry of Health–BARMM, ang bagong Barangay Health Station — ang unang gusaling pampubliko sa kasaysayan ng barangay.

Sa kanyang mensahe, sinabi ni MP Haron M. Abas na ang proyektong ito ay simbolo ng kanyang patuloy na pangako sa pagbibigay ng de-kalidad na serbisyong pangkalusugan at pagdadala ng pag-asa sa mga mamamayang Bangsamoro.

Lubos ang pasasalamat ni Punong Barangay Omar Pasawilan sa opisina ni MP Abas dahil sa katuparan ng matagal nang pinapangarap ng kanilang komunidad. Ayon sa kanya, ito ay simula ng bagong yugto ng pagbabago at pag-unlad para sa Rosary Heights III.

Sa bawat proyekto ng ganitong uri, ipinapakita ni MP Abas at ng MOH–BARMM na ang tunay na serbisyo ay nasusukat hindi sa laki ng gusali, kundi sa dami ng pamilyang natutulungan at nabibigyan ng pag-asa.