Sinabi ni Former MP Engr. Aida Silongan, PhD, Chairperson ng MILF-TFDCC, na malinaw ang patakaran:
Kapag kabilang ka na sa Decommissioned Combatants (DCOM), hindi ka na saklaw ng mga benepisyo para sa veterans.
Ito ay para matiyak na pantay at makatarungan ang distribusyon ng mga programa at tulong na nakalaan sa normalization process.

Ayon kay Silongan, malaki ang kabuuang package na nakalaan para sa bawat decommissioned combatant — aabot sa ₱1.15 milyon, batay sa latest na aprubadong package noong Oktubre 2025 ng Peace Implementing Panels ng MILF at Government of the Philippines. Hindi ito cash na ibibigay nang buo, kundi kombinasyon ng social services, skills programs, health coverage, education support, at housing assistance.

Mga Benepisyong Nakapaloob sa Package:

• ₱100,000 Cash Assistance (one-time)
• PhilHealth Coverage: ₱24,000
• Birth Certificate Processing (PSA): ₱1,566
• 4Ps-linked assistance mula DSWD/MSSD: humigit-kumulang ₱30,000
• Values Transformation Training (BDA): ₱11,795
• ALS Program (DepEd at MBHTE): ₱16,364
• Scholarship Program para sa anak o next-of-kin:
  – ₱25,000 per semester for 4 years (₱200,000 total)
• TESDA Skills Training: ₱24,000 training cost
• Emergency Employment (DOLE/MOLE – TUPAD-type): ₱30,000
• SLP Seed Capital/Livelihood Grant: ₱20,000
• Housing Assistance: ₱650,000

Dagdag pa ni Silongan, hindi lahat ay cash, ngunit nakadisenyo ang package upang tulungan ang combatants sa pangmatagalang oportunidad—mula edukasyon, kabuhayan, hanggang pabahay.

Aniya, ito ang malinaw na benepisyong maaasahan ng mga DCOM matapos maaprubahan ang updated normalization package.