Nagbabala ang Comelec na seryoso nang naaantala ang paghahanda para sa Bangsamoro parliamentary elections sa Marso 30, 2026 dahil hindi pa rin naipapasa ng BTA ang bagong redistricting law. Ayon kay Comelec chair George Garcia, kaya pang habulin ang halalan kung redistricting lang ang gagawin, pero magiging problema kung may iba pang pagbabagong isisingit tulad ng pag-reopen ng party at sectoral accreditation.

Samantala, ngayong gabi ay umapela ang MILF sa BTA Parliament na agarang ipasa ang isang “sound, fair at constitutionally compliant” na districting law upang matiyak ang maayos at makatarungang unang parliamentary elections ng Bangsamoro.