Bumoto ng “no” si MP Atty. Sha Elijah B. Dumama-Alba sa redistricting bill matapos igiit ang mga prinsipyong pantay na representasyon, katarungan, at konsistensiya.

Ayon sa mambabatas, ang redistricting ay dapat maging patas sa lahat ng lalawigan at sektor, at katanggap-tanggap sa mga direktang apektadong komunidad. Binigyang-diin niya na ang katarungan ay hindi lamang legal na usapin kundi isang mahalagang aral sa Islam.

Dagdag pa niya, dapat manaig ang pangkalahatang interes ng Bangsamoro kaysa sa pansarili o grupong kapakanan. Dahil dito, at bilang patuloy na tagasuporta ng Bill 407, nanindigan si MP Dumama-Alba sa kanyang “no” vote sa panukalang batas.