Ipinahayag ang pagbati sa mga nagwagi sa “Barakah nu Ramadhan Pagkabuhayan Tricycle Raffle,” isang programang naglalayong maghatid ng dagdag na kabuhayan at oportunidad sa mga benepisyaryo sa Maguindanao del Sur.

Ayon sa mga tagapag-organisa, inaasahang magsisilbing malaking tulong ang mga tricycle sa pang-araw-araw na hanapbuhay ng mga nanalo, na magbibigay daan sa patuloy na biyaya at kaunlaran para sa kanilang mga pamilya.

Naging posible ang nasabing inisyatibo sa tulong at suporta nina Datu Ali M. Midtimbang Sr., Ustadz Hisham S. Nando, at Esmael G. Mangudadatu, na patuloy na nagsusulong ng mga programang may layuning mapaunlad ang komunidad.

Binigyang-diin din na ang “Barakah nu Ramadhan” ay sumasalamin sa diwa ng pagbabahagi, malasakit, at pagkakaisa sa gitna ng banal na buwan ng Ramadan.