Isinagawa ang pamamahagi ng construction materials para sa mga pamilyang naapektuhan ng pagbaha sa ilalim ng Recovery and Rebuild Program for Flood Victims sa Ligawasan, bilang bahagi ng Special Development Fund (SDF) 2025 ng tanggapan ni Member of Parliament Dr. Kadil M. Sinolinding Jr.

Pinangunahan ang aktibidad katuwang si Municipal Administrator/Consultant Omolhayr M. Talembo at Municipal Councilor Sittie M. Kambang, na nagbigay-suporta sa implementasyon ng programa para sa mga benepisyaryo. Naisakatuparan ang nasabing aktibidad sa pakikipagtulungan ng Ministry of the Interior and Local Government (BARMM) at BARMM READi.

Layunin ng inisyatibong ito na matulungan ang mga pamilyang naapektuhan ng kalamidad na muling maitayo ang kanilang mga tahanan at makabangon ang kanilang komunidad. Bahagi ito ng patuloy na pagsisikap ng pamahalaan na palakasin ang disaster recovery at community resilience sa rehiyon ng Bangsamoro.