Pormal nang nagbukas ang BARMMAA Meet 2026 kahapon Abril 12, 2026 sa Parang, Maguindanao del Sur sa ilalim ng temang “Stronger Together Through Sports.”

Naging makulay at masigla ang lansangan habang nagmartsa ang mga atleta mula sa iba’t ibang panig ng Bangsamoro, ipinapakita ang diwa ng pagkakaisa, disiplina, at palakasan.

Nakiisa rin ang Provincial Government of Maguindanao del Sur sa parada, kasama ang kanilang mga delegado, bilang simbolo ng buong suporta sa kabataang atleta ng rehiyon.

Dagdag saya sa selebrasyon ang presensya ng “Give HEART” mascot na nagbigay sigla sa mga kalahok at manonood, habang namahagi rin ng food packs kasama ang support team—nagdadala ng positibong enerhiya at malasakit sa buong event.

Ang pagbubukas ng BARMMAA ay hindi lamang paligsahan kundi isang makabuluhang pagdiriwang ng pagkakaisa, talento, at pag-asa ng kabataang Bangsamoro.