Pormal nang sinimulan ng Lokal na Pamahalaan ng Ligawasan ang pagbalangkas ng 2026 Municipal Peace and Order and Public Safety (POPS) Plan at Municipal Anti-Drug Abuse Council (MADAC) Plan sa isang workshop na ginanap sa Cotabato City mula Mayo 18 hanggang 20, 2026.

Nagtipon-tipon ang mga kalahok at iba’t ibang stakeholder upang ilatag ang mga plano at estratehiya na magpapalakas sa kampanya para sa kapayapaan, kaayusan, at pampublikong kaligtasan sa bayan ng Ligawasan.

Sa unang araw ng workshop, nagsagawa ng mga talakayan hinggil sa mga output ng Executive-Legislative Agenda (ELA) at sinimulan ang pagbubuo ng Chapter A, na nakatuon sa pagrerepaso ng lokal na strategic direction para sa peace and order.

Sa isinagawang icebreaker activity, ibinahagi ni Ligawasan Mayor Ismael S. Mama na ang kanyang personal na stress reliever ay ang makita ang mamamayan ng Ligawasan na masaya—isang pahayag na sumasalamin sa kanyang dedikasyon sa serbisyo publiko.

Samantala, nagpahayag naman ng buong suporta si Municipal Administrator at Consultant Omolhayr M. Talembo para sa matagumpay na pagsasagawa ng workshop. Binigyang-diin niya ang kahalagahan ng aktibong partisipasyon, pagkakaisa, at sama-samang pananagutan ng lahat ng sektor sa pagbuo ng epektibo at makabuluhang plano para sa komunidad.

Layunin ng workshop na makabuo ng komprehensibo at responsive na plano upang mas mapalakas ang seguridad, mapanatili ang kaayusan, at masugpo ang ilegal na droga sa Ligawasan pagsapit ng 2026.

Itinuturing ng lokal na pamahalaan ang naturang aktibidad bilang mahalagang hakbang sa pagsusulong ng mas ligtas, organisado, at progresibong komunidad para sa mga residente ng Ligawasan.