Mainit na sinalubong ng mga lider ng komunidad ang ABoT Party President Dr. Samsodin Amella, kasama ang 4th Nominee Atty. Bador Mangindra at 14th Nominee Abdulbasir Mustapha, sa isinagawang pagpupulong kasama ang mga lokal na lider sa Tawi-Tawi.

Kasama rin sa aktibidad ang 10th Nominee Rahima Bawasanta, na nakibahagi sa talakayan upang higit pang pagtibayin ang koordinasyon at suporta ng mga komunidad para sa partido.

Naging sentro ng pagpupulong ang mga estratehiya sa kampanya, pagpapalakas ng ugnayan sa mga lider ng komunidad, at pagmomobilisa ng mga command votes bilang paghahanda sa nalalapit na Bangsamoro Parliamentary Elections.

Ayon sa mga lider ng ABoT Party, layunin ng patuloy na pag-iikot sa iba’t ibang lalawigan na mapagkaisa ang mamamayan at maihatid ang kanilang tunay na boses sa Bangsamoro Parliament.

Binigyang-diin din ng partido ang pagsusulong ng pagkakaisa, pag-asa, at tunay na representasyon para sa bawat Bangsamoro, mula Tawi-Tawi hanggang sa iba pang bahagi ng rehiyon.