Inilunsad ni MILF Chairman Murad Ebrahim ang Transitional Justice and Reconciliation (TJR) Roadmap sa Camp Darapanan, Sultan Kudarat, Maguindanao del Norte. Dumalo ang mga opisyal mula sa national at BARMM government, MILF leaders, at development partners.

Ipinaliwanag ni Chairman Ebrahim na ang TJR Roadmap ay bahagi ng Normalization Annex ng CAB, kung saan itinatag ang Transitional Justice and Reconciliation Commission (TJRC) upang pag-aralan at tugunan ang makasaysayang injustices, human rights violations, at marginalization na naranasan ng Bangsamoro at katutubo.

Pitong taon matapos ilabas ang TJRC Report, marami sa mga rekomendasyon ang hindi pa naipapatupad. Kaya nanawagan si Chairman Murad na simulan na ang konkretong pagpapatupad ng transitional justice para sa paghilom at pangmatagalang kapayapaan.