Magdaraos ang Ministry of Basic, Higher and Technical Education – BARMM (MBHTE), sa pamamagitan ng Human Resource and Management Division (HRMD), ng Mass Signing of Deployment Order para sa mga bagong hire at newly appointed personnel sa ilalim ng Schools Division Offices ng Maguindanao del Norte, Lanao del Sur I, at Lanao del Sur II.

Ang aktibidad ay gaganapin sa Lunes, Pebrero 16, 2026, alas-10:00 ng umaga sa Schools Division Office ng Cotabato City. Layunin nitong pormal na maitalaga ang mga bagong kawani sa kani-kanilang assignment bilang bahagi ng pagpapalakas ng serbisyo sa edukasyon sa rehiyon.

Ayon sa MBHTE, ang mass signing ay mahalagang hakbang upang masiguro ang maayos, organisado, at transparent na deployment ng mga guro at non-teaching personnel sa iba’t ibang dibisyon. Inaasahang mapapabilis nito ang pagpasok sa serbisyo ng mga bagong empleyado at mas mapatatag ang operasyon ng mga paaralan sa nasabing mga lalawigan.

Hinihikayat ang lahat ng kinauukulang personnel na dumalo sa takdang oras at lugar. Para sa kumpletong detalye, maaaring sumangguni sa opisyal na memorandum na inilabas ng MBHTE.