Nakikiisa si Ferdinand R. Marcos Jr. sa mga Muslim sa buong mundo sa pagpasok ng Banal na Buwan ng Ramadan, sa isang mensaheng inilabas mula sa Malacañang Palace nitong Pebrero 17, 2026.

Sa kanyang pahayag, binigyang-diin ng Pangulo ang kahalagahan ng disiplina, pagpapakumbaba, at malasakit na pinagyayaman sa panahon ng pag-aayuno. Aniya, ang Ramadan ay panahon ng pagninilay at espirituwal na pag-renewal—isang pagkakataon upang mas mapalalim ang pananampalataya at maisabuhay ang mga aral ng awa, katarungan, at paglilingkod.

Inihalintulad ng Pangulo ang paglalakbay ng pananampalataya sa karanasan ng Propeta Muhammad (peace be upon him) sa pagtanggap ng mga rebelasyon ng Banal na Qur’an, at hinikayat ang mga mananampalataya na palakasin ang kanilang dedikasyon sa mga aral ng Allah at sa paglilingkod lalo na sa mga higit na nangangailangan.

Binigyang-diin din niya ang kahalagahan ng pagkakaisa at pagtutulungan sa loob ng komunidad, at tiniyak ang kanyang pakikiisa at mabuting hangarin para sa kapayapaan at kaunlaran ng mga komunidad ng Muslim sa bansa.

Tinapos ng Pangulo ang kanyang mensahe sa pagbati ng isang mapayapa at banal na pagdiriwang ng Ramadan.