Agarang nagpaabot ng cash assistance ang Pamahalaang Panlalawigan ng Maguindanao del Sur sa mga biktima ng pagsabog ng granada sa Shariff Aguak bilang bahagi ng mabilis na pagtugon sa insidente.

Sa direktiba ni Governor Datu Ali M. Midtimbang Sr., personal na ipinamahagi ng Provincial Disaster Risk Reduction and Management Office (PDRRMO) ang tulong pinansyal sa mga sugatang ginagamot sa Integrated Provincial Health Office (IPHO) at John Mark D. Villanueva Medical Clinic and Hospital.

Layunin ng agarang ayuda na makatulong sa gastusin sa pagpapagamot at iba pang agarang pangangailangan ng mga biktima habang nagpapagaling mula sa trahedya.

Ayon sa Pamahalaang Panlalawigan, bahagi ito ng patuloy na pagsusulong ng “Serbisyong May Puso”, na naglalayong maghatid ng maagap at makataong serbisyo sa bawat Maguindanaon sa panahon ng krisis.