Animnapung (60) morits o mga mag-aaral mula sa iba’t ibang madaris at markadz sa Lanao del Sur, Maguindanao del Norte, Maguindanao del Sur, at Special Geographic Area (SGA) ang lumahok sa Peace and Environmental Youth Camp na inilunsad ng Bangsamoro Youth Commission (BYC) mula Hulyo 14 hanggang 16, 2026.

Layunin ng tatlong araw na kampo na palakasin ang kakayahan ng mga kabataang Bangsamoro sa peacebuilding, leadership development, at environmental stewardship sa pamamagitan ng values formation, leadership training, at community-based learning activities.

Ayon sa BYC, bahagi ng programa ang paghubog sa mga kabataang mag-aaral bilang mga responsableng lider na magsusulong ng kapayapaan, pangangalaga sa kalikasan, at positibong pagbabago sa kanilang mga komunidad.

Pinondohan ang aktibidad sa pamamagitan ng Transitional Development Impact Fund (TDIF) ni Member of Parliament Atty. Sha Elijah B. Dumama-Alba, katuwang ang Integrated Democracy and Development for Meaningful Progress, Inc. (IDDMP) sa implementasyon ng programa.